Bada natkhat hai krishna kanhaiya full song Amar Prem by SERAJ

బడా నట్ ఖట్ హైరే కిషన్ కనయ్య
ఢూంఢేరే అఖియా
జానే కహా చుప్గయా నన్నే కొశోర్

శతమానంభవతి

శతమానంభవతి మొదలు కావటమే  పచ్చ పచ్చగా పచ్చని చేలతో, పెంకుటిళ్ళతో ఉన్న అందమైన గ్రామం ఆత్రేయపురం తో మొదలవుతుంది.కన్నులపండుగ గా ఉన్న ఆ గ్రామాన్ని చూస్తే,ఎక్కడో మహారాష్ట్రలో పసిపాప గా జన్మించిన గోదారమ్మ,అందమైన నవయవ్వనిగా పెరిగి,సఖుని కౌగిలి చేరేందుకు కోనసీమకు వచ్చి, మెట్టినింటిని పండించింది.అంతేగా పసిపాపగా పుట్టినింట్లో అమ్మానాన్నల గారాబం తో పెరిగిన అమ్మాయికి తన సఖుని చేరగానే తన ప్రపంచం అంతా అతనే  ఐపోతాడు.తన ఆశలు , ఊహలు, కోరికలు అన్నీ అతని చుట్టే అల్లుకుంటుంది.భర్త క్షేమం కోసం,సంతోషం కోసం పాటుపడుతుంది.నీడగా మారిపోతుంది.అత్తింటి గౌరవం నిలిపేందుకు తనకు వీలైన సహాయం చేస్తుంది.తనే అతను, అతనే తను అన్నంత గా మమేకమైపోతుంది.అతని ప్రతిరూపంగా తనలో రూపుదిద్దుకున్న పిల్లల మీద పంచప్రాణాలు పెట్టుకుంటుంది.ఆ పిల్లలు దూరమవుతే భరించగలదా ? వాళ్ళ కోసం ప్రాణం లో ప్రాణమైన భర్తను వదులుకోగలదా? ఏదీ భరించలేదు!ఆ బంధం మీదే అందంగా అద్భుతంగా అల్లినదే ఈ " శతమానంభవతి"సినిమా.
సినిమా ఆరంభం నుంచి చివరివరకూ ఏమవుతుంది అని టెన్షన్ గా చూడక్కర లేదు.హాయిగా తాఫీ గా మన ఇంట్లో నే జరుగుతున్నట్లుగా కలిసిపోతాము.ఆ కుటుంబం లో మనమూ ఒకరమైపోతాము.అందులో ని పాత్రలూ పాత్రధారులూ చక్కగా ఉన్నాయి.పెద్ద దంపతులు రాఘవరాజు, జానకి గా ప్రకాష్ రాజు, జయసుధ బాగా ఇమిడిపోయారు.యు జంట శర్వానంద్, అనుపమా పరమేశ్వరన్ బాగున్నారు. అనుపమాపరమేశ్వరన్ ముద్దుగా ఉంది. ముఖ్యంగా పాతకాలం ప్రేమను చూపించే ఫ్లాష్ బాక్ ప్రేమకథలో మేకప్, డ్రసింగ్ బాగున్నాయి.పాటలూ, సినిమాటోగ్రఫీ బాగున్నాయి. సినిమా కోసం కొన్ని ఎమొషన్స్ ఎక్కువగా , కొన్నిసీన్స్ అసహజం గా  ఉన్నా  చక్కని కుటుంబకథా చిత్రము.

అలమారా లిఫ్ట్ తో అగచాట్లు వీడియో!

అలమారా లిఫ్ట్ తో అగచాట్లు కథ వీడియో లో వినండి.విని మీ అభిప్రాయాలు చెపుతారు కదూ :)

https://www.youtube.com/watch?v=pXw28PHUG38

నవ్వుల నజరానా "చక్రపాణి."

ఈ రోజు తెలుగుఒన్.కాం లో పబ్లిష్ ఐన నా సమీక్ష.
నవ్వుల నజరానా "చక్రపాణి."
http://www.teluguone.com/tmdb/news/old-telugu-movie-chakrapani-tl-44642c1.html

"చక్రపాణి " పూర్తి సినిమా



ఉయ్యాల జంపాల ఊగరావయ్యా




మెల్ల మెల్లగా చల్ల చల్లగా రావే నిదురా

మీరజాల గలాడా

మీరజాలగలడా నా యానతి వ్రతవిధాన మహిమన్ సత్యాపతి .

దేవుళ్ళు

కోడి రామకృష్ణ దర్శకత్వంలో వచ్చిన ఓ మంచి సినిమా "దేవుళ్ళు" .భార్యా భర్తల మధ్య సత్సంబందాలు లేకపోతే పిల్లలు ఎంత తల్లడిల్లుతారో చెప్పేదే ఈ దేవుళ్ళు . సింగర్ ప్రశాంత్ అభిమాని నిర్మల . అభిమానిగా పరిచయమైన నిర్మలను వివాహమాడుతాడు ప్రశాంత్ . అతని కి మ్యూజిక్ ప్రోగ్రాములలో సాయపడి , అతనికన్నా ఎక్కువ పేరు తెచ్చుకుంటుంది నిర్మల . ప్రశాంత్ అసూయ తో రగిలిపోతాడు . ఇద్దరి మధ్యా గొడవలు మొదలవుతాయి .విడాకులు తీసుకుందామనుకుంటారు . వారి పిల్లలు భవాని , చింటూ ఈ గొడవలకు తల్లడిల్లిపోతారు .అప్పుడు వారి బామ్మ అసలు ఈ గొడవలన్నిటికీ కారణం తను మొక్కుకున్న ముడుపులు చెల్లించకపోవటమేనని పిల్లల తో చెప్పి బాధపడుతుంది . బామ్మ ఈ గొడవలు ఆపేందుకు , తన తమ్ముడి ని తీసుకొని వచ్చేందుకు వూరి కి వెళ్ళగా , ఇంట్లో ఎవరి కీ తెలియ కుండా బామ్మ కట్టిన ముడుపులన్నీ తీసుకొని ఆయా దేవుళ్ళకు చెల్లించేందుకు , వారి కిడ్డీబాంక్ లో వున్న డబ్బులను తీసుకొని తీర్ధయాత్రలకు బయిలుదేరుతారు పిల్లలు.అందరి ముడుపులు పిల్లలు ఎలా చెల్లిస్తారు , అందులో వారి కి ఎదురైనా ఇబ్బందులు , చివరకు అమ్మానాన్న కలుస్తారా అన్నదే "దేవుళ్ళు" సినిమా.

సినిమా ఆద్ద్యంతమూ చక్కగా తీసారు కోడిరామకృష్ణ . ఎక్కడా విసుగనిపించదు . చక్కటి చిత్రీకరణ , చక్కటి పాటలు . పిల్లలకు ఆయా క్షేత్రాలలోని దేవుళ్ళు మానవరూపం లో వచ్చి సాయపడటం చాలా బాగుంది.పిల్లలు భవానీ , చింటుగా బేబీ నిత్య, మాస్టర్ నందన్ బాగాచేశారు .అయ్యప్పగా మాస్టర్ శుభాకర్ ముద్దుగా వున్నాడు .

నిర్మాతలు ,చేగొండి హరిబాబు ,
            కరాటం రాంబాబు
డైరెక్టర్ . కోడిరామకృష్ణ,
మాటలు, పి.రాజేంద్రకుమార్
పాటలు, జిన్నవిత్తుల రాంలింగేశ్వర్ రావు ,
గాయనీ గాయకులు , యస్.పి. బాలసుబ్రమణ్యం ,
                      రాజేష్,
                      యస్. జానకి,
                      చిత్ర,
                      స్వర్ణలత ,
                      సుజాత
గ్రాఫిక్స్, ఒలిస్ట్ర్ గ్రాఫిక్స్,
            వెంకట్,
కెమెరామెన్,మోహన్ ,
           ప్రకాశ్,
           జయ
ఆర్ట్ డైరెక్టర్,కెవి .వి రమణ,
ఫొటోగ్రఫీ, కోడి లక్ష్మణ్
సంగీతం వందేమాతరం శ్రీనివాస్ ,
ఇహ పాటలు చూద్దాం  .

























కథా విశేషాలు చదివారు , పాటలు చూశారు . ఇక సినిమా చూడండి .

చోరీ చోరీ

ఈ రోజు బోర్ కొడుతుంటే "చోరి చోరి" సినిమా చూస్తూ కూర్చున్నాను . అదేమిటో ఆ సినిమా ఎన్ని సార్లు చూసినా విసుగనిపించదు . పాటలు కూడా మళ్ళీ మళ్ళి వినేలా వుంటాయి .

కోటీశ్వరుడు గిరిధర్ లాల్ గారాల పట్టి, కమ్ము ( నర్గిస్) . సుమన్ కుమార్ (ప్రేం ) ను ప్రేమిస్తుంది . కాని తండ్రి వారి ప్రేమను అంగీకరించడు . తండ్రి మీద కోపం తో సుమన్ కుమార్ దగ్గర కు వెళ్ళేందుకు ఇంట్లో నుంచి పారిపోతుంది .గిరిధర్ లాల్ కమ్మును వెతికి తెచ్చిన వారికి 1.25 లక్షల రూపాయలు బహుమతి ప్రకటిస్తాడు . ఇంట్లో నుంచి పారిపోయిన కమ్ము విచిత్ర పరిస్థితులలో సాగర్ (రాజ్ కపూర్ ) ను కలుస్తుంది . నాలుగు రోజులు రకరకాల పరిస్తితులలో చిక్కుకొని , ఇంటి కి తిరిగి వస్తుంది . ఆ నాలుగు రోజులలో జరిగిన విశేషాలను , చివరి కి ఏమి జరిగింది అన్నది సినిమా చూస్తేనే బాగుంటుంది కదా :)

నిర్మాత :యల్. బి లక్ష్మణ్ ,
డైరెక్టర్ ; అనంత్ ఠాకుర్ ,
రచయత ; ఆగా జాని ,
సంగీతం; శంకర్ ఝై కిషన్ ,
గాయనీ గాయకులు ;మన్నాడే , మహ్మద్ రఫీ ,లతా మంగేష్కర్, ఆశాబోస్లే .

ఖభి ఖుషీ ఖభి గం

యసవర్ధన్ రాయ్చంద్ , నందిని దంపతులకు ఇద్దరు కొడుకులు రాహుల్, రోహన్ . అందులో రాహుల్ వారి పెంపుడు కొడుకైనను సొంత కొడుకులాగానే పెంచుకుంటారు . రాహుల్ కు పెళ్ళి చేద్దామని ఓ అమ్మాయిని ఎంచుకుంటాడు యసువర్ధన్ . కాని అప్పటికే అంజలి అనే అమ్మాయిని ప్రేమిచటం తో ఆ సంగతి తండ్రి కి చెప్తాడు రాహుల్ . తండ్రి కి ఇష్టం లేకపోతే ఇంటి నుంచి వెళ్ళిపోయి అంజలిని పెళ్ళిచేసుకొని లండన్ వెళ్ళిపోతాడు రాహుల్.హాస్టల్ లో వున్న రోహన్ ఇంటి కి వచ్చి అన్న లేకపోవటం , తల్లి అన్న కోసం బాధపడటం చూస్తాడు . ఎలాగైనా అన్నని కుటుంబంతో కలపాలని , అంజలి చెల్లెలు పూజా ను కలుసుకొని సంగతి చెప్పి , వాళ్ళింట్లో పేయింగ్  గెస్ట్  గా చేరుతాడు . ప్రయత్నం చేసి అందరినీ కలుపుతాడు .

ఇందులో అందరూ బాగున్నారు . యసువర్ధన్ గా అమితాబ్ , నందిని గా జయాబాధురి, రాహుల్ గా షారూక్ ఖాన్ , అంజలిగా కాజోల్ , రోషన్ గా హృతిక్ రోషన్ , పూజ గా కరీనా చాలా బాగా చేసారు . కుటుంబాన్ని కలిపేందుకు తాపత్రయపడ్డ యువకుడిగా హృతిక్ రోష మంచి నటనని చూపాడు .లండన్ లో వున్నా భారత్ మీద మమకారం చూపిన అంజలి గా కాజోల్ బాగా చేసింది .అసలు ఒకరని కాదు అందరూ హేమా హేమీలే . బాగా చేసారు . కాకపోతే సినిమానే కొంచం పెద్దగా వుంది .

నిర్మాత ;యాష్ జోహార్ ,
డైరెక్టర్ ;కరణ్ జోహార్ .


ఇక పాటలు చూద్దామా :)

మిధునం

మిధునం సినిమా గురించి ఇక్కడ చదవండి .

ఆప్ కీ కసం

ఆప్ కీ కసం మేము సిలిగురి లో వున్నప్పుడు , ఓపెనేయిర్ థియేటర్ లో చూసాను .సినిమా సినిమా లో పాటలూ చాలా నచ్చాయి .కాని ఎండింగే నచ్చలేదు . చాలా దిగులనిపించింది . చాలా రోజుల వరకు మర్చిపోలేకపోయాను . సునీత (ముంతాజ్ ) , కమల్ ( రాజేష్ ఖన్నా ) ప్రేమించి పెళ్ళిచేసుకుంటారు .సంతోషం గా గడుపుతున్న వారి జీవితాలలోకి సంజీవ్కుమార్ మూలంగా కలతలు ఏర్పడతాయి . కమల్ అపోహలను సునీత తొలిగించలేకపోతుంది . ఇద్దరూ విడిపోతారు . కమల్ ఇల్లూ వాకిలీ లేనివాడవుతాడు . సునీత కు తండ్రి మళ్ళీపెళ్ళిచేస్తాడు . ఈ సినిమా చూడా లంటే ఇక్కడ చూడవచ్చు .

పాటలు ఇక్కడ చూసి ఆనందించండి :)
ఈ పాటల సంగీతం ఆర్. డి. బర్మన్.

గీత రచన ఆనంద్ భక్షి .



కరవటీ చల్తే రహే సారీ రాత హం .




సునో , కహో , కహా , సునా



జై జై శివ శంకర్



పాస్ నహీ ఆనా భూల్నహీ జానా




చోరీ చోరీ చుప్కే ఫుప్కే





జిందగీకే సఫర్మే

ఆరాధన

ఆరాధన సినిమా రిలీజ్ ఐనప్పుడు మేము పూనా లో వున్నాము . అప్పుడు నేను పీణె లో వాడియా కాలేజ్ లో బి. ఏ ఫస్ట్ ఇయర్ చదువుతున్నాను . నేను కాలేజ్ నుంచి వచ్చేసరికే మా ఫ్రెండ్ మౌళీ ఆరాధన సినిమా ప్రోగ్రాం పెట్టింది . సినిమా మొదటి వారం , రెష్ లో చూడటం మావారి కి ఇష్టం వుండదు . రెష్ లేని , మంచి హాల్ లోనే సినిమా చూడాలి . నిద్ర వస్తే డిస్త్రబెన్స్ లేకుండా నిద్రపోగలగాలి . ఇవీ మావారి డిమాండ్స్ . మేము అలాగే వెళుతాము . ఆయన సినిమా మొదలైన కాసేపటికే నిద్రపోతారు . నేను సినిమా చూస్తాను . సినిమా అయ్యాక ఆయనను నిద్రలేపి , ఇంటి కొచ్చేస్తాము . ఇప్పటికీ అదే మా పద్దతి :) అలాంటిది వచ్చిన మొదటివారమే చూడాలి అంటే ఫ్రెండ్ ను కాదనలేక బయిలుదేరారు . ఖన్నా , మౌళి ఖన్నా , మేమిద్దరమూ ఆరాధన చూడటాని కి వెళ్ళాము . అబ్బ ఎంత రెషో . హాలా ఆవరణలోకి అడుగు పెట్టేట్లుగా లేదు . ఏమి చేస్తాము . వెనుదిరిగాము . మావారు చాలా హాపీ :) స్కూటర్ వెనుకకి తిప్పుతున్నారని , రెష్ లో నుంచి నేను , మౌళీ బయట నిలబడ్డాము . మావారు స్కూటర్ తిప్పటమేమిటి , రయ్యన వెళ్ళిపోవటమేమిటి . నేనూ , మౌళీ బిత్తరపోయి చూస్తున్నాము .పైగా అటు పక్కగా వున్న మా క్లాస్ అబ్బాయిలు నన్ను చూసి నవ్వుతున్నారు .ఖన్నా వెంటనే మావారి వెనక తన స్కూటర్ పరిగెత్తించి , చివరకు ఓ ట్రాఫిక్ సిగ్నల్ దగ్గర పట్టుకున్నాడు . ఆయనని మాలా ఏది అంటే వెనుక వుంది ఆనారట . హుం . . . అంటూ వెన్నక్కి చూస్తే ఎక్కడ మాల అని బోలెడు హాచర్యపోయి , వెనక్కి తిరిగి వచ్చారు :) ఆరాధ సినిమా ఎప్పుడు గుర్తొచ్చినా ఈ సంగతి కూడా గుర్తొస్తుంది :)


ఆరాధన సినిమా పాటలన్నీ చాలా బాగుంటాయి .

గుండమ్మకథ

చిరంజీవులు

వేదాంతం రాఘవయ్య దర్షకత్వం వహించిన " చిరంజీవులు " నేను కాలేజీ లో వుండగా మార్నింగ్ షో చూసాను . ఇది ట్రాజిడీ ఎండింగనీ , ఏడుస్తూ ఇంటికి వళ్ళామని మాత్రమే గుర్తు :) అందుకే సి.డి కోసం ప్రయత్నం చేయలేదు . దీనిలో యన్ టి ఆర్ , జమున గుమ్మడి నటించారు . ఈ సినిమా గురించి నేను ఇంతే చెప్పగలను :)

ఇందులో కొన్ని పాటలు చాలా బాగున్నాయి . అందులో ఈ పాట హైలైట్ .

చికిలింత చిగురు సంపెంగి గుబురు  చినదాని మీద మనసు




కనుపాప కరువైన కనులెందుకో
తన వారే పరులైన బ్రతుకెందుకో



తెలవారవచ్చే తెలియక నా స్వామి  మళ్ళీ పరుండేవు లేరా
మళ్ళి పరుండేవు మసలుతూ వుండేవు మారాము చాలింక లేరా



ఎందాక ఎందాకా 

కాకపోతే ఈ పాట తమిళ్ వర్షన్ దొరికింది :)



ఏనాటికైనా నీ దాననే

మనసు నీదే మమత నాదే
నాదానవేనే నీవాడనే

వసంతం

ఓ అమ్మాయి , అబ్బాయి మధ్య స్నేహం అంటే అది ప్రేమే కానవసరం లేదు , స్నేహం కూడా వుండవచ్చు అని చెప్పే చిత్రం " వసంతం " . విక్రం డైరక్షన్ లో ,యన్. వి ప్రసాద్, సనం నాగ అశోక్ కుమార్ నిర్మించిన అసలైన స్నేహానికి అర్ధం చెప్పే చిత్రం వసంతం .

అశోక్ , జూలీ చిన్ననాటి నుంచి స్నేహితులు . జూలీ తండ్రి చనిపోతే జూలీ ని తన ఇంటికి తీసుకొచ్చి ఆదరిస్తాడు .వారి స్నేహాన్ని ప్రేమగా పొరబడతారు ఇంట్లోని వారు . అశోక్ నందిని ని ప్రేమించి పెళ్ళిచేసుకుంటాడు . నందిని అశోక్ , జూలీల స్నేహాన్ని అర్ధం చేసుకొని , జూలీ ని అభిమానిస్తుంది . అశోక్ , నందిని కలిసి జూలీ వివాహం చేస్తారు . క్లుప్తం గా కథ ఇది .

అశోక్ గా వెంకటేష్ , జూలీగా కళ్యాణి , నందిని గా ఆర్తీఅగర్వాల్ చక్కగా నటించారు .

గాలీ చిరుగాలీ నిను చూసిందెవరమ్మా
వెళ్ళే నీ దారీ అది ఎవరికి తెలుసమ్మా



అమ్మో అమ్మాయే నా ఎల్లోరా శిల్పమా ,
రంభా ఊర్వశి కైనా ఇంతందం సాద్యమా



గోదారల్లే పొంగే నాలో సంతోషం
గొరింటల్లే పూచే నాలో ఆనందం



జాంపండువే దోర జాంపండువే
పూచెండువే మల్లే పూచెండువే

chitchor

1976 లో "రాజశ్రీ ప్రొడక్షన్" వారు నిర్మించిన చక్కని కుటుంబ కథా చిత్రము "చిట్చోర్" . "సుభోధ్ గోష్ " రచించిన "చిత్తచకోర్" బెంగాలీ నవల ఆధారంగా ఈ సినిమాను "తారాచంద్ భర్జాత్య" నిర్మించారు .

మధుపూర్ లో స్కూల్ హెడ్ మాస్టర్ గా పని చేస్తున్నాడు ,పీతాంబర్ చౌదరి . ఆయనకు ఇద్దరు కూతుర్లు , ఒక కొడుకు . పెద్దకూతురు మీర , చెల్లెలు గీతకు వాళ్ళ ఇంజనీర్ సంబంధం చెపుతుంది .అదే సమయం లో వచ్చిన వినోద్ ను ఇంజనీర్ పొరబడి ఆదరిస్తారు పీతాంబర్ చౌదరి కుటుంబం . గీత వినోద్ ల మధ్య సానిహిత్యం పెరుగుతుంది . ఇంతలో అసలు ఇంజనీర్ సునిల్ వస్తాడు . అప్పుడు జరిగిన పొరపాటును తెలుసుకొని సునీల్ ను ఆదరించి , వినోద్ ను నిర్లక్షం చేస్తారు . సునిల్ , గీత ల వివాహాం నిశ్చయిస్తారు . కాని గీత వినోద్ నే ఇష్టపడుతుంది . క్లుప్తంగా ఇదీ ఈ సినిమా కథ .

దైరెక్టర్ ; బాసు చటర్జీ

మ్యుజిక్ ; రవీంద్ర జైన్

నటీ నటులు , అమోల్ పార్లేకర్ , జరీనా వహాబ్ , విజయేందర్ గట్కే , ఏ.కే హంగల్ మొదలైనవారు .

గాయనీ గాయకులు ; యేసుదాస్ , హేమలత .

ఈ సినిమా , ఇందులోని పాటలూ నాకు చాలా నచ్చాయి . అందుకే మా యూనిట్ లో చూపించిన నాలుగురోజులూ చూసాను :)

గౌరి తేరా గావ్ బడా ప్యారా



జబ్ దీప్ జలే ఆనా , ష్యాం జలే ఆనా



ఆజ్ సే పహేలే ఆజ్ సే జాదా కుషీ ఆజ్తక్ నహీ మిలీ



తుజో మేరే సుర్ మేన్ , సుర్ మిలాలే

సంక్రాంతి

ఈ మద్య వచ్చిన సినిమాలల్లో నాకు నచ్చింది "సంక్రాంతి". పాతకాలం సినిమాలలాంటి చక్కని కుటుంబ కథా చిత్రం సంక్రాంతి . నలుగురు అన్నదమ్ములు , తల్లీ తండ్రి కలిసి వున్న కుటుంబం మధ్య లో వుండే ఆప్యాయతలు , చిన్న చిన్న అపార్ధాలు , వాటిని తొలిగించుకొని , అర్ధం చేసుకున్న విధానము అన్నీ చక్కగా చూపించారు .
రాఘవేంద్ర ( వెంకటేష్), విష్ణు ( శ్రీకాంత్), చిన్న (శివబాలాజి), వంశి ( శర్వానంద్) నలుగురు అన్నదమ్ములు . వారి తల్లి ( శారద) , తండ్రి ( చంద్రమోహన్) అందరూ కలిసి వుంటారు . రాఘవేంద్ర పద్మ ( ఆర్తీ అగర్వాల్ ) ను ప్రేమిస్తాడు . పద్మ మేనమామ కూతురే కావటం తో పెద్దల అభీష్టం తో పెళ్ళి నిశ్చయం అవుతుంది . ఇంతలో రోడ్ వైడెనింగ్ లో రాఘవేంద్ర వాళ్ళ షాప్ పోయి ,నష్టపోతారు . అందరినీ వదిలి వస్తే ఈ పెళ్ళి చేస్తామని పద్మ తల్లి తండ్రులంటారు . కాని రాఘవేద్ర ఒప్పుకోడు . కష్టపడి డబ్బు సంపాదించి కుటుంబాన్ని ఒక దారికి తెస్తారు రాఘవేంద్ర , విష్ణు .అంజలి అనే మంచి మనసున్న అమ్మాయిని పెళ్ళి చేసుకుంటాడు . పద్మ తన తప్పు తెలుసుకొని బాధపడి , తన చెల్లెలిని విష్ణు కిచ్చి వివాహం జరిపిస్తుంది . విష్ణు భార్య (సంగీత) అసూయ వలన కుటుంబంలో కొన్ని కలతలు వచ్చి సద్దుకుంటాయి . చిన్న ప్రేమించిన అమ్మాయి తో పెళ్ళి చేసేందుకు ఆమె తండ్రి ( ప్రకాశ్ రాజు ) ముందు ఒప్పుకోకపోయినా ఆ తరువాత ఆ కుటుంబ లో వున్న ఆప్యాయతలను , కట్టుబాటు ను నచ్చి పెళ్ళికి వొప్పుకుంటాడు . సంక్షిప్తంగా కథ ఇది .
ఈ సినిమా నిర్మాత ; ఆర్. బి చౌదరి

డైరక్టర్;ముప్పలనేని శివ

రచయతలు ; లింగశ్వామి
పరచూరి బ్రదర్స్

సంగీతం; యస్.ఏ రాజకుమార్

అందాల శ్రీమతికి చెప్పలేని అలకంట . ..


మనసిచ్చిన మారాజే మనువాడిన శుభవేళ


చిలకా చిలకపట్టుల చీరే కట్టిందోయ్


ఎలా వచ్చెనమ్మా గులాబీల వాన

Ankhiyon Ke Jharokhon Se

అలా అలా అలా యుట్యుబ్ లో పాత పాటలు వెతుకుతూ వుంటే ఈ పాట కనిపించింది .సచిన్ , రంజిత నటించిన " అఖియోకె ఝరోకొన్సే " సినిమాలోనిది ఈ పాట . ఈ సినిమా వచ్చిన కొత్తల్లో ఈ పాటంటే పిచ్చి ఇష్టముండేది .ఇప్పటికీ ఇష్టమే . హీరోయిన్ తన ప్రేమ , భయాలు అన్నీ సున్నితంగా చెపుతుంది ఈ పాటలో . చాలా ప్రేమగా మృదువుగా వుంటుందీపాట .

ఈ పాట ఇష్టమే కాని సినిమా ఎండింగ్ ఇష్టం లేదు . ఎందుకంటే విషాదాంతం కాబట్టి .

ఈ పాట రవీంద్రజేన్ సంగీతం సంకూర్చగా హేమాలత పాడింది .

శ్రీరామరాజ్యం

బాపు దర్శకత్వం లో ,యలమంచలి సాయిబాబు నిర్మించిన "శ్రీరామరాజ్యం" ను నేను ఈ మధ్యే చూసాను . అప్పటికే వూరువాడా అంతా ఈ సినిమా గురించే మోగిపోతోంది . ఈ మధ్య కాలం లో ఇలాంటి చూడతగ్గ సినిమా రాలేదు . మా మనవరాలిని , మనవడి ని కూడా తీసుకెళ్ళాను . వాళ్ళకు అందులోని బాలహనుమాన్ , లవకుశ లు తెగ నచ్చేసారు .నాకూ నచ్చారనుకోండి . సినిమా చూడక ముందు , శ్రీరాముడి గా బాలకృష్ణ బాగుంటాడనే అనుకున్నాను . సీతమ్మవారిగా నయనతారదే కొంచం డౌట్ గా వుండింది . కాకపోతే ఓసారి బాపూబొమ్మగా బాపూ చేతిలో ఢోకా వుండకపోవచ్చు అనుకున్నాను . అలగాగే 90 శాతం పరవాలేదు .కాకపోతే స్నేహ కాని , వేద కాని వున్నట్లైతే ఇంకా బాగుండేవారేమో అని అనిపించకపోలేదు . అలాగే బాలకృష్ణకు మేకప్ ఇంకొంచం బాగావేసి వుండవలిసింది అనిపించింది . పిల్లలు ముగ్గురే కాదు ఆశ్రమం లోని పిల్లలంతా చాలా ముద్దుగా వున్నారు . మిగితా నటీనటులు కూడా వారి వారి పాత్రలను బాగానే పోషించారు . మొత్తం మీద సినిమా బాగానే అనిపించింది .

మేము సినిమా చూసి బయటకు రాగానే అక్కడ బాలకృష్ణ , నయనతారల ఫొటోకు ఒకావిడ అగరొత్తులు వెలిగించి దండం పెట్టటం కనిపించింది . ఇహ మా అమ్మాయిని చూసుకోండి ఒహటే నవ్వు . తనను చూసి పిల్లలు నవ్వులే నవ్వులు .వాళ్ళను చూసి , నేను ,శ్రీలలితగారు , వారి చెల్లెలు నవ్వీ నవ్వీ అలిసిపోయాము . ఇప్పుడేమి చూసారమ్మా , "లవకుశ" వచ్చిన రోజులలో ఐతే అంజలీదేవికి ఆడవాళ్ళందరూ పడీ పడీ దండాలు పెట్టేవారు , యన్ టీఅర్ ను , అంజలిదేవిని సీతారాముల లాగానే కొలిచారు అని శ్రీలలితగారు మా అమ్మాయికిచెప్పారు . పిల్లలంతా ఓగాడ్ అంటూ నవ్వలేక అలిసిపోయారు :)

ఈ సినిమా రచయతలు బాపు . ముళ్ళపూడి వెంకటరమణ.

సినిమాటోగ్రాఫీ;పి.ఆర్.కె రాజు .

సంగీతం ; ఇళయరాజా .

గాయనీ గాయకులు ;

యస్.పి బాలాసుబ్రమణ్యం ,
శ్రేయాఘోష్ ,
శ్వేతామోహన్,
కెయస్ చిత్ర,
సురభిశ్రావణి ,
శ్రీరాం పార్థసారధి,
అనిత,
కీర్తన

శాంతినివాసం

1960 లో శ్రీ పిక్చర్స్ బానర్ లో , సుందర్ లాల్ నహతా ,ట్. అశ్వద్దనారాయణ ,సి. యస్ రావు దర్శకత్వంలో నిర్మించిన కుటుంబకథా చిత్రం " శాంతి నివాసం " . ఇంటి ఇల్లాలు గయ్యాళిదైతే , యజమాని నెమ్మదస్తుడైతే , ఇల్లు నరకం గా మారుతుంది . భర్త ఎంతసేపూ పైవాడి దయ అంటూ వుంటాడు . భార్యేమో కోడళ్ళ ను రాచి రంపాన పెడుతూవుంటుంది . ఆడపడుచు అత్తింటి కి వెళ్ళకుండా పుట్టింట్లో నే వుంటూ అందరి మద్యలో పుల్లలు పెడుతూవుంటుంది . భర్త చనిపోయిన పెద్ద కోడలు , ఇద్దరు కొడుకులతో అత్తింట చాకిరీ చేస్తూ వుంటుంది . రెండో కోడలు సాత్వికం గా వుంటూ అందరినీ కలుపుకుపోతూ వుంటుంది . అలాంటి అశాంతినిలయమైన ఇంటికి పెళ్ళి చేసుకొని భార్యను తీసుకు రాదలుచుకోడు మూడో కొడుకు గోపి . కాని రాధ ను భార్యగా తీసుకు రావలసి వస్తుంది . చివరికి ఆ అశాంతినిలయం , శాంతినిలయం గా ఎలా మారుతుందో సినిమా చూడాల్సిందే :)
గయ్యాళి అత్తగా ఇంకెవరు సూర్యకాంతమే వంకపెట్టలేకుండా నటించింది . నెమ్మదస్తుడైన తండ్రిగా నాగయ్య , రెండో కొడుకు కోడలు గా కాంతారావు , దేవిక , మూడో కొడుకు కోడలు గా నాగేశ్వర రావు , రాజసులోచన , పెద్ద కోడలు గా హేమలత , కాంతారావు స్నేహితురాలు రాణి గా కృష్ణకుమారి నటించారు .
ఈ సినిమాలో సూర్యకాంతం గయ్యళితనం లాగే రాజసులోచన జడ కూడా హైలైట్ ! బహుషా ఈ సినిమా వచ్చినప్పుడే అనుకుంటా రాజసులోచన డాన్స్ ప్రోగ్రాం ఇచ్చింది . మా స్కూల్ పిల్లలందరినీ పొలోమంటూ తీసుకెళ్ళి ముందు వరస లో కూర్చోబెట్టారు .

పాటలన్నీ సముద్రాల జూనియర్ రాశారు . ఘంటసాల సంగీతం సమకూర్చారు .

శ్రీరఘురాం , జయరఘురాం . ఈ పాట పాడినది , పి.బి శ్రీనివాస్ , పి. సుశీల , బృందం .



రాగాలా సరాగాలా .ఈ పాట చాలా బాగుంటుంది కాని ఇందులో దేవిక భర్తకు చేసే సేవలను చూస్తే కళ్ళు గిర్రున తిరిగిపోతాయి :) ఈ పాట పాడినది , పి. సుశీల , ఘంటసాల .

రావే రాధా రాణీ రావే .ఈ పాట పాడినది , ఘంటసాల , జిక్కి .



కం కం కంగారు నీకేలనే ఈ రెండు పాటలల్లో బృందావనం గార్డెన్ బాగా చూపిస్తారు . ఈ పాట పాడింది ఘంటసాల , జిక్కి .
ఈ తుషార శీతల సరోవరాన
అనంత నీరవ నిశీధిలోనా ఈ కలువ నిరీక్షణ ,
నీ కొరకే రాజా వెన్నెల రాజా . . .
నా కిష్టమైన పాటలలో ఇది కూడా వకటి :)

అమెరికా అబ్బాయి

అన్నపూర్ణా వారి సినిమాల లిస్ట్ లో చివరగా వుంది "అమెరికా అబ్బాయి ." దీని నిర్మాత డి . మధుసూధన రావు . డైరెక్టర్ సింగీతం శ్రీనివాసరావు . రాధిక , అశ్విని , రాజశేఖర్ , చరణదాస్ మాస్టర్.శ్రావణ్ శంకర్ మొదలైన వారు నటీ నటులు . కథ. జీడిగుంట రామచంద్ర మూర్తి .
ఇహ కథేమిటంటే జ్యోత్స్న ( అశ్విని ) అమెరికా లో డాక్టర్ . ప్రాణ స్నేహితురాలు శారద ( రాధిక ) కొడుకును పెంచుకుంటూ వుంటుంది . శారద పెళ్ళి కాగానే భర్త మరణిస్తాడు . కొడుకును అశ్విని కి ఇచ్చి , చరణదాస్ ను మళ్ళీ పెళ్ళాడుతుంది . శారద తండ్రి రాజారావు ( గుమ్మడి ) ఆస్తంతా మనవడు రాజా పేరు మీద రాస్తాడు . రాజారావు ట్రీట్మెంట్ కొరకు అమెరికా వస్తారు . ఆ తరువాత కథేమిటంటే నాకు తెలియదు . ఎందుకంటే నా సి . డి ఆ తరువాత ఇహ పనిచేయనని మొరాయించింది !
ఈ చిత్రము లోని పాటలు పి. సుశీల . యస్.పి బాలసుబ్రమణ్యం పాడారు .
సంగీతం రాజేశ్వర రావు .
ఇందులోని పాటలు కూడా నెట్ లో ఎక్కడా దొరకలేదు :)
ఇదో ఈ పాట వక్కటే దొరికింది . విని , చూసి ఆనందించండి .